Brief van Sint Piter 2021

Grou - 03-02-2021

Bêste jonges en famkes fan Grou,

Hoe giet it mei jimme? Ik hoopje dat jim allegearre noch sûn binne en dat jildt fansels ek foar jim heit en mem en pake en beppe. Ik haw heard dat de skoallen yn Grou ticht binne en dat jim les krije fia de kompjûter. Dat fyn ik tige knap hear!

Ik kom dit jir graach wer nei Grou mar mei al dy nije rigels sil dit net maklik wêze. Jimme witte dat Swarte Pyt op wrâldreis is en dat Aldemar myn nije maat is. Ik hoopje dat Aldemar en ik elkoar de 13e febrewaris earne treffe en dat wy dan in plan meitsje kinne hoe’t wy de kadootsjes by jim thús krije.

Op 9 en11 febrewaris is der wer in moai Sint Pitersjoernaal mei dêryn ek it lêste nijs oer de reis nei Grou. Ik doch tige myn bêst om nei Grou te kommen jonges en famkes en hoopje dat Aldemar en ik jim yn elk gefal op skoalle of de berne-opfang treffe.

Ik haw der sin oan!

Freonlike groetnis,

Sint Piter

sintpiter.nl

facebook

Bekijk PDF