Skoallereiske

Friesland - 22-09-2020

troch Popkje Sytema

Witte jim it noch, dat skoallereiske?

Nei Schoorl, we hiene it der al dagen oer

Mei de hiele klas optein de bus yn

Oare-kant Ôfslútdyk, in grut aventoer

Earst yn ‘e dúnen ús bôlle opite

En poatsjebaaie oan it Noardséstrân

It hichtepunt fan de dei wie Het Klimduin

Wat ha wij dêr in soad wille hân!

Mei oeral sân – yn ’t hier en de nâle

Tusken de tosken en yn it krús

Wurch as in mud, mar fol ferhalen

Kamen we blier en foldien wer thús

Mar.. net sûnder earst ús ferstoppers-grapke !

Wij ûnder de banken, de bus like leech

De âlders ferheard, de chauffeur die ûnnoazel

En doe kamen as wûnder de bern wer omheech