As ik de toer mar sjoch

Aldeboarn - 22-09-2021

Presintaasje op sneon 25 septimber om 14.00 oere yn de Doelhôfstjerke te Aldeboarn.

'As ik de toer mar sjoch', is de titel fan it boek dat Janny van der Heide-Reijenga en Bert Witteveen skreaun ha yn koroana-tiid oer it libben fan 75 ynwenners fan Aldeboarn.

Dit is it prachtige inisjatyf fan twa Boarnsters dy't harren doarpsgenoaten fertelle litten ha oer harren libben, sadat dit unike boek der is mei pakkende ferhalen!

Mei bysûndere swart-wyt foto's fan Harm Mulder ek út Aldeboarn.

De feestlike presintaasje en it oerlangjen fan it earste boek troch boargemaster van der Zwan fan it Hearrenfean is om 14.00 oere yn de Doelhôf tsjerke en ek fia in live-stream ferbining op oare lokaasjes.

In foto-eksposysje fan de Boarnsters út it boek is te sjen yn de Menniste tsjerke.

Wat soe it geweldich wêze as it yn ús doarpen yn Fryslân in ferfolch krijt!