Friesland - 13-11-2024

 

Lêsten wie ik by in hechte famylje dy' t ôfskied nimme moast fan harren heit en pake. Pake wie in echte famyljeman en de pakesizzers wiene fansels tige belutsen by alles om it ôfskied hinne. Elk petear fierden wy mei inoar en elk hie wol wat by te dragen. Ien fan de ûnderwerpen wie wa't op de roubrief neamd wurde moast. Der wiene pakesizzers mei lange relaasjes, oaren dy't krekt fereale wiene, en dan wie der Sandra. Ik neam har foar no sa. Sandra wie der hiel stellich oer: de namme fan har freon hoegde net op'e kaart, dat fielde foar har te betiid. ‘Mar ik bin wol gek op him, hear!’ sei hja der hastich efteroan, as wie se bang, dat immen dêroan twivelje soe.

 

Doe bruts de dei fan de kremaasje oan. De romte folle him mei minsken, mei leafdefolle oantinkens, mei stil fertriet. Sandra’s tinzen wiene by har pake, by harren mominten tegearre, de ferhalen dy't er mei har dielde. De tsjinst begûn. Se siet dêr stil, harkjend, en ynienen fielde se in trilling yn'e bûse. Se pakte har telefoan, even in lytse ûntsnapping fan dit swiere momint. Har freon belle har. Se seach nei syn namme op it skerm en stoppe de telefoan wer fuort, klear om har wer op de tsjinst te konsintrearjen.

 

Nei ôfrin rûn se nei bûten ta, socht in bankje en belle him werom. Syn gesicht ferskynde op it skerm, en noch foardat er it hielendal útsprutsen hie, fielde se it oan alles. Hy woe net fierder. ‘It leit net oan dy,’ besocht er noch te sizzen, sa't minsken dat sizze, as hja der gjin wurden foar hawwe. Mar earne wie it ek wol sa, tocht se, miskien dochs ek wol in bytsje. Syn wurden foelen swier, sûnder emoasje, as waard it kâlder mei elke sin. Se hong op en bleau stil sitten, harkjend nei de wyn dy't troch de beammen gie, nei it fiere lûd fan ferkear. Se tocht, hoe kinst yn ien dei safolle pine tagelyk fiele? Pake wie de man dy't altyd de goede wurden hie, ien dy't har op'e frjemdste mominten dochs altyd ta treast wie. Mar no, krekt op it stuit dat se him it hurdst nedich hie, wie er der net mear.

 

Se siet dêr, stil, oant it momint dat se werom gie, tusken de minsken stapte en in bakje kofje pakte. Net ien like wat te fernimmen, se hie de rêch rjocht, de eagen drûch. Gjinien wist dat har hert dy deis twa kear brutsen wie. Yn de dagen dêrnei kamen pake syn wurden hieltyd werom, de advizen en lytse libbenslessen dy't er har jûn hie. Hy hie har leard om te oerlibjen, hoe troch te gean. Miskien wie dat syn lêste jefte, in ûnsichtbere hân op har skouder, in oantinken dat ek dit foarby gean soe. It besef groeide stadich: hoe djip oft it fertriet ek wie, der soe oait wer wat moais op har wachtsje.

 

 

Met een warme groet van Leo Boermans

 

Als u vragen heeft over wat wel of niet kan tijdens een uitvaart, neemt u dan gerust eens contact met ons op.

 

Tel: 0515- 85 57 57

 

 

Columns Leo Boermans

 

 

Naar overzicht

Laatste nieuws

Meer Nieuws Archief Columns Recepten


LEES MEER skutsje-grou-jikkiepiersmakopi
25 juni 2025

Skûtsje Beachfestival op het strand in Grou

LEES MEER uitgelaten-houden-de-dansers-d
25 juni 2025

DIF sluit topseizoen af in Harmonie

LEES MEER schermafbeelding-2025-06-23-om
23 juni 2025

Laatste nieuws over de Akkrumer Merke

LEES MEER schermafbeelding-2025-06-10-om
10 juni 2025

Hengels uitwerpen aan de Boarn

LEES MEER mp-2025013webpagina08
24 juni 2025

Te dwaan YN MIDDEN FRYSLÂN

LEES MEER drukwerkdeals-2024-01-16-a-en-
6 maart 2025

Drukwerkacties Inclusief GRATIS Advertentie en/of Verspreiding

Columns

Nieuws Archief Columns Recepten


LEES MEER harten-aas-
10 juni 2025

De laatste kaart

LEES MEER schermafbeelding-2025-04-29-om
10 juni 2025

Mag je baas jouw vakantie weigeren?

LEES MEER familie-opstelling-de-laape-3
10 juni 2025

Innerlijke groei is niet ingewikkeld

LEES MEER img3230bvanoyenlr
10 juni 2025

Appelscha (5 of 7,5 km)

LEES MEER mirjam-bos
10 juni 2025

Van eenmanszaak naar BV

LEES MEER jon-brouwers-op-de-reuzedei
10 juni 2025

Bloeien met reus Jon

LEES MEER adobestock54534236
28 mei 2025

De stille kracht van de uitvaartvereniging

LEES MEER foto-mei-2025
28 mei 2025

Hokey pokey weg was Smokey!

LEES MEER ijledraviktuinakkrum020525img5
28 mei 2025

Mouwekrûper (IJle dravik, Anisanta sterilis)

Over ons

Drukwerk en een website zijn het visitekaartje van uw onderneming. Of het nu gaat om kranten, folders, brieven, huisstijl of direct marketing. Als Media bedrijf weten wij dat en kunnen wij dit voor u verzorgen. Van opmaak, vormgeving, drukken tot en met distributie. Desgewenst kunt u de volledige verzorging van uw flyers of geadresseerd drukwerk aan ons uitbesteden.

Vragen?

Bel ons, stuur een e-mail of laat u terugbellen:

MiddelPunt Media

  • Vormgeving
  • Bestickering
  • Webdesign
  • Drukwerk
  • Verspreiding

 

Offerte aanvragen