Koninklijke Ûnderskieding foar Martsje Scholte-Jonkman

Aldeboarn - 11-05-2021

Grut wie de ferrassing doe't boargemaster Tjeerd van der Zwan fan Heerenveen, moandei 26 april Martsje Scholte-Jonkman belle en har fertelde dat "het Zijne Majesteit de Koning Willem Alexander heeft behaagd" har te beneamen yn de "Orde van Oranje Nassau".

"In grapke seker?", wie har antwurd. Echt net. Dizze titel krige se foar har ynset foar de mienskip en it ferieningslibben fan Goëngahúzen en De Veenhoop. Mear as 40 jier hat Martsje har ynsetten foar kuorbalklub Altijd Kwiek, mear as 40 jier foar it Veenhoop festival.

Har ynset foar Pleatselijk Belang, Trekkerbehendigheidswedstriden, LTO en de Krite fan Aldeboarn. Sawat 20 jier hat Martsje de belangen behertige fan de boeren yn de Ruilferkavelingskopmmisje Swette - de Bird.

Martsje Scholte hat in enoarm plichtsbesef en is plichtsgetrouw. Troch de Corona hat boargemaster van der Zwan har de fersierselen woansdei 28 april by har thús op-spjeldzje litten troch har man.